Archive Pages Design$type=blogging

1

وصفات طبيعية لتنضيف وتعطير المنطقة الحساسة

نصايح لنضافة المنطقة الحساسة, وصفات طبيعية لتعطير المنطقة الحساسة

advertisement
المنطقة الحساسة من الاماكن اللي بتكون عايزة عناية خاصة واهتمام زيادة عشان متتراكمش فيها الجراثيم والبكتريا لان هو ده اللي بيسبب ريحة مش حلوة في المنطقة دي عشان كده لازم نحافظ عليها دايما نضيفة عشان نخلي ريحتها دايما حلوة, واحنا النهاردة جيبنا لكل بنات حوا نصايح ووصفات طبيعية لتنضيف وتعطير المنطقة الحساسة.



تعالوا نعرف الاول مع بعض شوية نصايح عشان نحافظ على نضافة المنطقة الحساسة:


وصفات طبيعية لتنضيف وتعطير المنطقة الحساسة
وصفات طبيعية لتنضيف وتعطير المنطقة الحساسة

1- اول حاجة لازم نستخدم الغسول المطهر الخاص بالمنطقة الحساسة 3 مرات في الاسبوع وخصوصا بعد ما تخلص الدورة الشهرية لازم ننضف المنطقة دي كويس جدا.

2- نحافظ عليها دايما جافة لان الرطوبة والمية بتخلي البكتريا والجراثيم تتكون فيها.

3- البسي ملابس داخلية قطن لانها افضل حاجة للمنطقة الحساسة عشان تمتص اي عرق او رطوبة.

4- مستخدميش الصابون العادي لتنضيف المنطقة الحساسة لان الصابون بيقتل البكتريا النافعة, افضل منضف للمنطقة الحساسة هو محلول الملح وهو عبارة عن مية دافية دايب فيها نص فنجان ملح وتستخدميه في تنضيف المنطقة.

5- في مشروبات بتأثر بشكل ايجابي على المنطقة الحساسة وبتخلي ريحتها حلوة بشكل طبيعي زي عصيرالفراولة, والتوت, والاناناس, والزبادي, والشوكولاتة الغامقة, والفاكهة والخضار الطازة بشكل عام, وزي ما في اكلات بتأثر بشكل ايجابي في اكلات بتأثر بشكل سلبي وبتدي ريحة مش حلوة والافضل اننا نتجنبها زي الحلبة, والبهارات.

6- اشربي كمية مية كفاية في اليوم ميقلش عن 8 كوبايات في اليوم, لان المية بتخلص الجسم من السموم والجراثيم وده بيساعد المنطقة الحساسة  في التخلص من الروايح الكريهة بشكل طبيعي.

7- لو انتي بتلبسي المناديل الصحية اليومية ممك تتدهنيها بالمسك قبل ما تلبسيها وكده تضمني نضافة وتعطير المنطقة في نفس الوقت.

تعالوا نشوف سوا وصفات طبيعية عشان تعطير المنطقة الحساسة:


1- الوصفة الاولى:

المكونات:

حجر مسك ابيض “من عند العطار”.
علبة فازلين طبي.
3 معالق صغيرة مية ورد.
ازازة جلسرين صغيرة.

طريقة التحضير والاستخدام:

هنقطع حجر المسك ونضيف عليه الفازلين والجلسرين ومية الورد هنخلط المكونات مع بعض ونحطهم على نار هادية لحد ما المسك يذوب خالص والمكونات كلها تتجانس مع بعضها, هنسيب الخليط لحد ما يبرد خالص وبعدين هنحطه في اي علبة نضيفة ونقفلها ونسيبها 24 ساعة قبل الاستخدام, بعد كده هنستخدمه على المنطقة الحساسة هتجيبي حتة قطنة وتاخدي من الخليط وتمسحي بيها المنطقة الحساسة, هتلاقي بقت ريحتها حلوة جدا وهتقعد معاكي فترة طويلة, وباقي الخليط احفظيه في التلاجة لحد ما تيجي تستخدميه تاني.

2- الوصفة التانية:

المكونات:

معلقة بودرة اطفال.
معلقة فازلين
معلقة نشا.
نص معلقة زيت ورد.

طريقة التحضير والاستخدام:

اخلطي كل المكونات مع بعضها كويس وحطيها في علبة وخليها في التلاجة 24 ساعة, بعد كده ادهني بيها المنطقة الحساسة.

3- الوصفة التالتة:

المكونات:

كوباية مية ورد.
معلقة كبيرة عسل نحل.
2 معلقة كبيرة ملح خشن.

طريقة التحضير والاستخدام:

املي البانيو مية دافية وحطي فيها مية الورد و والعسل والملح واقعدي في المية ربع ساعة او لحد ما المية اللي في البانيو تبرد, كرري الوصفة دي مرة في الاسبوع مع الاستمرار عليها هتحسي بالفرق في ريحة ولون المنطقة الحساسة هتخلي ريحتها حلوة وكمان هتفتح لونها.

4- الوصفة الرابعة:

المكونات:

معلقة كبيرة فازلين.
معلقة كبيرة نشا.
نص معلقة بودرة اطفال.
نص معلقة بيكربونات الصوديوم “كربوناتو”.
نص معلقة زيت ياسمين.

طريقة التحضير والاستخدام:

اخلطي المكونات كلها مع بعض كويس اوي وبعدين حطي الخليط في علبة نضيفة واقفليها وحطيها في التلاجة لمدة يومين, وبعد كده استخدميها عادي ادهني بيها المنطقة الحساسة, الوصفة دي مش بس هتدي ريحة حلوة كمان هتفتح لونها.

ممكن نستخدم الزيوت العطرية بعد الحمام زي زيت اللافندر, او الياسمين, او النعناع يعني الريحة اللي تفضليها, ادهني المنطقة الحساسة بقطنة فيها زيت عطري بعد الحمام على طول عشان المسام تكون متفتحة والبشرة تمتص الزيت بشكل احسن.

advertisement

ادخلي بريدك الالكترونى ليصلك احدث المواضيع:

Delivered by FeedBurner

تعليقات

الاسم

احسبي وزنك و نسبه الدهون ازاله شعر و المناطق الحساسه اصنع بنفسك أكلات دايت الاكل الصحى التاهيل الوظيفي الحامل السعادة الزوجيه المراه و الرجل امومه و طفوله انوثه و اتيكيت أهم عناوين وتليفونات أشهر أطباء التخسيس في مصر بشرتك بيتك مملكتك تعريف منتجات الريجيم تعليمات للريجيم تمارين الرشاقه حساب السعرات الحراريه حلويات حوادق حياتك ديكور ديني رمضانيات ريجيمات سوبرماركت شعرك صحتك و جمالك صيدليات طرق اللبس المناسب للجسم طريقه الاشتراك فى احدث الريجيمات و التمارين مهم جدا جدا طريقه لزيادة الطول 100% مهما كان عمرك علاج النحافه غرائب و طرائف فيديو الرشاقه قصص قصيره كمبيوتر مشاريع صغيره مشروبات مطاعم و وجبات جاهزه مكياج Make up موبايل نصائح مهمه جدا لضمان نجاح الريجيم وصفات طبيعيه للتنحيف وصفات لزياده الوزن وصفات لشد الجلد و ازاله الترهلات وظفنى حالا jobs Health and beauty
false
rtl
item
ريجيم فى ريجيم: وصفات طبيعية لتنضيف وتعطير المنطقة الحساسة
وصفات طبيعية لتنضيف وتعطير المنطقة الحساسة
نصايح لنضافة المنطقة الحساسة, وصفات طبيعية لتعطير المنطقة الحساسة
https://3.bp.blogspot.com/-O77vpt0ajjk/WhdPlI48EmI/AAAAAAABHGE/kK53JZCbX2kclkTLPVmq8cpRhqvB4RPlACLcBGAs/s320/%25D8%25AA%25D8%25B9%25D8%25B7%25D9%258A%25D8%25B1-%25D8%25A7%25D9%2584%25D9%2585%25D9%2586%25D8%25B7%25D9%2582%25D8%25A9-%25D8%25A7%25D9%2584%25D8%25AD%25D8%25B3%25D8%25A7%25D8%25B3%25D8%25A9.2-600x337.jpg
https://3.bp.blogspot.com/-O77vpt0ajjk/WhdPlI48EmI/AAAAAAABHGE/kK53JZCbX2kclkTLPVmq8cpRhqvB4RPlACLcBGAs/s72-c/%25D8%25AA%25D8%25B9%25D8%25B7%25D9%258A%25D8%25B1-%25D8%25A7%25D9%2584%25D9%2585%25D9%2586%25D8%25B7%25D9%2582%25D8%25A9-%25D8%25A7%25D9%2584%25D8%25AD%25D8%25B3%25D8%25A7%25D8%25B3%25D8%25A9.2-600x337.jpg
ريجيم فى ريجيم
http://www.regimexregime.com/2017/11/Fragrance-Sensitive.html
http://www.regimexregime.com/
http://www.regimexregime.com/
http://www.regimexregime.com/2017/11/Fragrance-Sensitive.html
true
8781900770331388292
UTF-8
لا يوجد أى مواضيع شاهد الكل أقرأ المزيد رد إلغاء الرد مسح عن الرئيسيه الصفحات المواضيع شاهد الكل بعض المواضيع المختارة التسميات الأرشيف SEARCH لا يوجد اى موضوع يناسب طلبك Back Home الأحد الأثنين الثلاثاء الأربعاء الخميس الجمعه السبت الأحد الثنين الثلاثاء الأربعاء الخميس الجمعه السبت يناير فبراير مارس أبريل مايو يونيو يوليو أغسطس سبتمبر أكتوبر نوفمبر ديسمبر يناير فبراير مارس أبريل مايو مايو يوليو أغسطس سبتمبر أكتوبر نوفمبر ديسمبر الان منذ دقيقه $$1$$ minutes ago منذ ساعه $$1$$ hours ago الأمس $$1$$ days ago $$1$$ weeks ago منذ أكثر من 5 أسابيع