اعلان

تمارين منزلية سهلة لشدّ عضلات البطن في 15 دقيقة

تمارين منزلية سهلة لشدّ عضلات البطن في 15 دقيقة البطن أو الكرش مشكلة مُحرجة لأي حد سواء بنات أو أولاد... ودايماً لما بنسأل أي دك...

advertisement
تمارين منزلية سهلة لشدّ عضلات البطن في 15 دقيقة


البطن أو الكرش مشكلة مُحرجة لأي حد سواء بنات أو أولاد...

ودايماً لما بنسأل أي دكتور متخصص في علاج السمنة إزاي نتخلّص من المشكلة دي؟!! بنلاقي الرد واحد دايماً، وهو إن أحسن طريقة للتخلّص من: السمنة الموضعية، أو الدهون المتركزة في منطقة البطن، أو الأرداف، أو أي منطقة في الجسم، هي ممارسة التمارين الرياضية... 
ولانكم لازم
تكونوا في أفضل شكل، .
هقدّم لكم النهارده مجموعة من الصور اللي بتوضّح إزاي تقدري تعملي تمارين البطن بمنتهى السهولة، وإنتِ في البيت...






حركة الجَمَل والقطة
التمرين الأول: حركة الجَمَل والقطة
الحركة دي بنبدأ بها؛ علشان نجهز جسمنا ونسخّن، وبنسمّيها حركة "الجمل والقطة"...


ودي بتعمليها بإنك بتثبتي نفسك على الأرض بأطرافك الأربعة (الإيدين والقدمين)؛ بحيث إن إيدك تكون في نفس مستوى كتفك من فوق، وركبتك تكون في نفس مستوى الفخذ؛ يعني جسمك يكون مشدود، زي ما هو موضّح في الجزء العلوي من الصورة.


وابدئي في قبض وبسط عضلات البطن، وبعد كده ارفعي ظهرك وعمودك الفقري لفوق، ونزلي دقنك للداخل، واثبتي على الوضع ده لمدة 10 أو 15 ثانية، وبعد كده خرّجي نَفَسك "حركة الزفير".


ارفعي رأسك وصدرك لفوق، زي ما هو موضّح في الصورة، واثبتي على الوضع ده لمدة 10 أو 15 ثانية، وبعد كده ارجعي للوضع الأول اللي موجود في الجزء العلوي من الصورة مرة تانية.


وبتكرري التمرين ده من 5 لـ8 مرات.



*****************







حركة الكلب والعصفورة




التمرين الثاني: حركة الكلب والعصفورة
التمرين ده مفيد مش بس لعضلات البطن، ده كمان مفيد للظهر...


زي ما واضح في الجزء العلوي من الصورة، بتقفي على أطرافك الأربعة، وبتشدّي عضلات بطنك جامد جداً، مع الحفاظ على إن عمودك الفقري ورقبتك يكونوا في نفس المستوى.


ببطء شديد افردي قدمك اليسرى على ورا، وإيدك اليمنى للأمام؛ زي ما هو واضح في الجزء السفلي من الصورة، مع الحفاظ على الفخذين والأكتاف في وضع مستقيم، وكمان ظهرك لازم يبقى مفرود.


استمري ثابتة على الوضع ده لمدة 5 ثوانٍ، وبعد كده ارجعي ببطء لوضع البداية، وكرري نفس الحركة، ولكن بشكل عكس اللي فات؛ يعني افردي قدمك اليمنى مع إيدك اليسرى.


وبتكرري الحركة دي من 5 إلى 10 مرات على كل ناحية.



*****************






حركة الارتكاز على الكرة


التمرين الثالث: حركة الارتكاز على الكرة

التمرين ده بيقوّي عضلات البطن والوسط جداً، وده بتعمليه بإنك تقعدي على كرة كبيرة؛ بحيث إن قدمك تكون مفرودة على الأرض.


وبعد كده مددي قدمك لقدام شوية، مع مراعاة إن ظهرك يفضل ملتصق بالكرة كويس، والفخذين يكونوا في وضع موازٍ لسطح الأرض، وحطّي إيدك في وضع متشابك فوق صدرك زي ما هو موضّح في الصورة.


ببطء شديد ارفعي الجزء العلوي من جسمك لفوق بزاوية 45 درجة، وأثناء ما إنتِ بترفعي جسمك، اقبضي عضلات بطنك، وأخرجي زفيراً.


اثبتي على الوضع ده لثانية، وبعد كده ارجعي تاني لورا وإنتِ بتاخدي شهيق، ولو حسيتِ إنك مش مستقرة في الحركة، ممكن تمددي قدمك للأمام أكتر علشان تثبتي على الأرض.


وبتكرري الحركة دي من 8 إلى 12 مرة.





*****************







الحركة الأمامية




التمرين الرابع: الحركة الأمامية
في التمرين ده بتستلقي على معدتك؛ بحيث يكون الذراعين متنيين، وكف الإيد والساعدين يكونوا مفرودين وملتصقين تماماً بالأرض، مع مراعاة إن أصابع الإيد والقدمين يكون اتجاههم للأمام، زي ما واضح في الجزء العلوي من الصورة.


بعد كده اقبضي عضلاتك، وببطء ارفعي جسمك من على الأرض؛ بحيث إن الساعدين والكفين وأصابع القدمين يكونوا ثابتين على الأرض، واثبتي على الوضع ده من 10 لـ30 ثانية، ومع الوقت ممكن تزوّدي المدة لدقيقة كاملة.


لكن خدي بالك إن ظهرك يفضل مفرود، وراعي إن الفخذين يبقى في ما بينهم مسافة صغيرة.



*****************





حركة العجلة


التمرين الخامس: حركة العجلة


في التمرين ده بتنامي على ظهرك وإيدك تحت رأسك، وبترفعي رجلك لفوق؛ بحيث إن الركبة تكون متنية في اتجاه الصدر.


ركزي على شد عضلات منطقة الأجناب والبطن، وإنتِ بترفعي رأسك وأكتافك من على الأرض، زي ما هو واضح في الصورة.

افردي رجلك اليمين؛ بحيث إنها تعمل زاوية بمقدار 45 درجة بينها وبين الأرض، ولفّي الجزء العلوي من جسمك في اتجاه الشمال؛ بحيث إن كوعك اليمين يقرّب من ركبتك الشمال؛ زي ما هو واضح في الجزء السفلي من الصورة.



وبتكرّري نفس الحركة في الاتجاه العكسي، بطريقة تبادلية كأنك بتحرّكي بدال العجلة.


وبتكرري الحركة دي من 8 إلى 12 مرة.




*****************





الحركة الجانبية


التمرين السادس: الحركة الجانبية

في التمرين ده هتنامي على جنبك اليمين؛ بحيث إن رجليكِ الاتنين يكونوا ملتصقين ببعض، ويكونوا مفرودين تماماً على الأرض، زي ما هو واضح في الجزء العلوي من الصورة.


بعد كده هتسندي على كوعك اليمين علشان تقومي بجسمك؛ بحيث إن رأسك تكون على نفس الخط مع عمودك الفقري.


هتبدئي بعد كده ترفعي جسمك كله من على الأرض، وبتثبتي على الوضع ده لمدة من 10 لـ30 ثانية، ومع الوقت ممكن تستمري على الوضع ده لمدة دقيقة كاملة.


وبعد كده بترجعي للوضع الأول، وبتلفّي بجسمك ناحية الشمال، وبتكرّري نفس الحركة، والتمرين ده بيقوّي عضلات البطن والأجناب.




*****************






الحركة العكسية


التمرين السابع: الحركة العكسية

في التمرين ده هتنامي على ظهرك، وهتفردي ذراعيكِ على الجانبين أو تخلّيهم جنب رأسك على حسب الوضع اللي يريّحك أكتر.


بعد كده ارفعي رجلك بحيث إنها تعمل زاوية قائمة مع جسمك.


وأثناء ما إنتِ بترفعي رجلك ابدئي اقبضي عضلات بطنك وابسطيها بانتظام.


بعد كده قرّبي ركبتك في اتجاه رأسك زي ما هو واضح في الجزء السفلي من الصورة.


اثبتي على الوضع ده لمدة من 15 لـ30 ثانية، وبعد كده خدي نَفَس عميق، ونزّلي رجلك ببطء.


وبتكرّري الحركة دي من 8 لـ12 مرة.





*****************






حركة الكوبرا


التمرين الثامن: حركة الكوبرا
في التمرين ده بتستلقي على بطنك، مع ثني الذراعين تحت الكتفين، وراعي إن رقبتك وأصابعك تكون مفرودة للأمام؛ زي ما هو واضح في الجزء العلوي من الصورة.


وببطء جداً أخرجي زفيراً، وارفعي الجزء العلوي من جسمك لفوق؛ علشان عضلات بطنك تتمدد مع الضغط على منطقة الأفخاذ، زي ما هو واضح في الجزء السفلي من الصورة.

استمرّي على الوضع ده لمدة من 15 إلى 30 ثانية مع التنفّس بهدوء وبانتظام، وبعد كده ارجعي ببطء جداً على الأرض.



وبكده تكون خلصت التمارين، ومش هتاخد منك أكتر من 15 دقيقة كل يوم...
وممكن في الأول إنك تحسي إن الموضوع صعب، لكن مع المواظبة عليها هتبقى عادة جميلة في حياتك تحافظي بها على شكل الجسم، وتحصلي على بطن مشدودة

منقول
advertisement

ادخلي بريدك الالكترونى ليصلك احدث المواضيع:

Delivered by FeedBurner

التعليقات

1
الاسم

احسبي وزنك و نسبه الدهون,4,ازاله شعر و المناطق الحساسه,815,اصنع بنفسك,102,أكلات دايت,97,الاكل الصحى,1024,التاهيل الوظيفي,9,الحامل,34,السعادة الزوجيه,173,المراه و الرجل,139,امومه و طفوله,62,انوثه و اتيكيت,83,أهم عناوين وتليفونات أشهر أطباء التخسيس في مصر,4,بشرتك,2990,بيتك مملكتك,152,تعريف منتجات الريجيم,44,تعليمات للريجيم,1599,تمارين الرشاقه,548,حساب السعرات الحراريه,12,حلويات,24,حوادق,41,حياتك,25,ديكور,3,ديني,10,رمضانيات,51,ريجيمات,1448,سوبرماركت,1,شعرك,1398,صحتك و جمالك,1580,صيدليات,1,طرق اللبس المناسب للجسم,105,طريقه الاشتراك فى احدث الريجيمات و التمارين مهم جدا جدا,1,طريقه لزيادة الطول 100% مهما كان عمرك,6,علاج النحافه,52,غرائب و طرائف,3,فيديو الرشاقه,13,قصص قصيره,3,كمبيوتر,16,مشاريع صغيره,2,مشروبات,5,مطاعم و وجبات جاهزه,2,مكياج Make up,289,موبايل,25,نصائح مهمه جدا لضمان نجاح الريجيم,22,وصفات طبيعيه للتنحيف,2181,وصفات لزياده الوزن,155,وصفات لشد الجلد و ازاله الترهلات,505,وظفنى حالا jobs,75,Health and beauty,2,
rtl
item
رجيم فى رجيم: تمارين منزلية سهلة لشدّ عضلات البطن في 15 دقيقة
تمارين منزلية سهلة لشدّ عضلات البطن في 15 دقيقة
http://www.up.6stat.com/uploads/images/6stat.com-685ba85098.jpg
رجيم فى رجيم
https://www.regimexregime.com/2012/03/15.html
https://www.regimexregime.com/
https://www.regimexregime.com/
https://www.regimexregime.com/2012/03/15.html
true
8781900770331388292
UTF-8
Loaded All Posts Not found any posts مشاهده الكل أقرأ المزيد رد الغاء الرد مسح By الرئيسيه PAGES POSTS مشاهده الكل مواضيع مشابهه LABEL ARCHIVE SEARCH ALL POSTS لا يوجد اى موضوع مشابه للبحث العودة للرئيسيه Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago المتابعين تابعنا THIS CONTENT IS PREMIUM Please share to unlock Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy